აჭარის მთავრობის თავმჯდომარე ლევან ვარშალომიძე ამერიკის შეერთებული შტატების ელჩს ჯონ ბასს შეხვდა.
ჯონ ბასის განცხადებით, აჭარის მთავრობის თავმჯდომარესთან შეხვედრა რეგიონში ვიზიტის ერთ-ერთი შემადგენელი ნაწილი იყო.
შეხვედრა დაახლოებით ნახევარ საათს გაგრძელდა. მხარეებმა რეგიონის განვითარების საკითხებზე, ამ მიმართულებით უკვე მიმდინარე პროცესებზე და კერძო ინვესტიციებზე ისაუბრეს.
ელჩის განცხადებით, ამ და რეგიონისთვის მნიშვნელოვან სხვა თემებზე სასაუბროდ აჭარის მთავრობის თავმჯდომარეს ლევან ვარშალომიძეს მომავალშიც არაერთხელ შეხვდება.
