აჭარის ტურისტულ პროდუქტებს ვილნიუსსა და რიგაში გაეცნენ

05 თებერვალი, 2020

ვილნიუსის საერთაშორისო ტურისტულ გამოფენაზე აჭარა ვიზიტორების განსაკუთრებული ყურადღების ქვეშ მოექცა. რეგიონის სტენდთან სტუმრების ინტერესი ბათუმთან ერთად აჭარის ეკოტურისტულმა მარშრუტებმა და გასტრონომიამ გამოიწვია.

გამოფენაზე ვიზიტორებს საშუალება ჰქონდათ დეტალური ინფორმაცია მიეღოთ აჭარასა და ზოგადად, საქართველოში მოგზაურობის შესახებ, ასევე, ქართული ღვინო, ყველი და ქართული ტკბილეული დაეგემოვნებინათ. ვილნიუსის საერთაშორისო ტურისტულ გამოფენას წელს 295,000-ზე მეტი ვიზიტორი ესწრებოდა. აჭარის სტენდს სტუმრობდა საქართველოს საგანგებო და სრულუფლებიანი ელჩი ლიეტუვის რესპუბლიკაში, ლევან ღვაჩლიანი.

აჭარის ტურიზმის დეპარტამენტი ლიეტუვაში, საერთაშორისო ტურისტულ გამოფენაზე დამოუკიდებელი სტუნდით ტურისტულ კომპანიებთან ერთად იყო წარმოდგენილი. პარალელურად, რეგიონის პოპულარიზაცია რიგაში გამართულ საერთაშორისო ტურისტულ გამოფენაზე მიმდინარეობდა.

ბოლო წლებია, აჭარის ტურიზმის დეპარტამენტი გარდა გამოფენებზე რეგიონის ტურისტული შესაძლებლობების წარმოჩენისა, ბალტიისპირეთის ქვეყნებში აქტიურ სარეკლამო კამპანიებს ატარებს. მზარდია, აღნიშნული ქვეყნებიდან რეგიონში საერთაშორისო მოგზაურების რაოდენობაც.

იხილეთ გალერეა


კალენდარი

<<
<თებერვალი 2020>
>>
ორშ.სამშ.ოთხშ.ხუთშ.პარ.შაბ.კვ.
05272829303112
063456789
0710111213141516
0817181920212223
092425262728291
102345678

ცხელი ხაზი

+995 (422) 27-20-01

სოციალური ქსელები

ბმულები