შეხვედრა თურქეთის რესპუბლიკის ართვინის, არტაანისა და ტრაპიზონის გუბერნატორებთან

07 დეკემბერი, 2018

აჭარის ა.რ. მთავრობის თავმჯდომარე თორნიკე რიჟვაძემ  ბათუმში ვიზიტით მყოფ თურქეთის რესპუბლიკის გუბერნატორებთან  გაცნობითი შეხვედრა გამართა. ვიზიტის მიზანია საქართველოსა და თურქეთს შორის არსებული მრავალმხრივი ურთიერთობების განვითარება.

შეხვედრებზე საუბარი შეეხო ორ ქვეყნას შორის ერთობლივი პროექტების განხორციელებას  ეკონომიკის და ტურიზმის მიმართულებით. თორნიკე რიჟვაძემ იმედი გამოთქვა, რომ მოსაზღვრე რეგიონებს შორის სავაჭრო-ეკონომიკური მიმართულებით თანამშრომლობა მომავალში კიდევ უფრო ეფექტიანი და ნაყოფიერი იქნება.

,,ქვეყნებს შორის აქტიურად ვითარდება ჰუმანიტარულ-კულტურული და სავაჭრო-ეკონომიკური ურთიერთობები, რასაც კიდევ უფრო შეუწყობს ხელს სარფის საბაჟო გამშვები პუნქტის რეკონსტრუქციის დასრულება. იმედი მაქვს, უახლოეს დროში მოხდება არსებული ტექნიკური საკითხების მოგვარება და სარფის საბაჟო გამშვები პუნქტი უფრო ეფექტურ რეჟიმში განაახლებს მუშაობას“-აღნიშნა შეხვედრაზე რეგიონის ხელმძღვანელმა. 

რეკონსტრუირებული სარფის საბაჟო გამშვები პუნქტის გახსნა 2019 წლის დასაწყისში იგეგმება.  

მთავრობის ადმინისტრაციაში გამართულ შეხვედრას ართვინის, ტრაპიზონის და არტაანის გუბერნატორები და სავაჭრო-სამრეწველო პალატების თავმჯდომარეები , ასევე თურქეთისა  და საქართველოს რესპუბლიკების გენერალური საკონსულოების წარმომადგენლები ესწრებოდნენ.

კალენდარი

<<
<დეკემბერი 2018>
>>
ორშ.სამშ.ოთხშ.ხუთშ.პარ.შაბ.კვ.
48262728293012
493456789
5010111213141516
5117181920212223
5224252627282930
0131123456

ცხელი ხაზი

+995 (422) 27-20-01

სოციალური ქსელები

ბმულები