თორნიკე რიჟვაძემ ებრაელ ხალხს ხანუქას დღესასწაული მიულოცა

07 დეკემბერი, 2018

აჭარის მთავრობის თავმჯდომარე თორნიკე რიჟვაძემ ებრაელ ხალხს ხანუქას დღესასწაული მიულოცა. რეგიონის მეთაური ბათუმის სინაგოგას მეუღლესთან ერთად ეწვია და ებრაული დიასპორის წარმომადგენლებს სინათლის სიბნელეზე გამარჯვების დღე მიულოცა. სიტყვით მიმართვისას რეგიონის მეთაურმა ქართველი და ებრაელი ხალხის 26-საუკუნოვან მეგობრობაზე და აჭარის რეგიონში განსხვავებული კულტურის მქონე ხალხის თანაცხოვრებაზე გაამახვილა ყურადღება.

„ვულოცავ ებრაელ ხალხს სინათლის სიბნელეზე გამარჯვების დღეს, ხანუქას დღესასწაულს! ქართველებს და ებრაელებს მეგობრობის და ერთმანეთის გვერდში დგომის 26- საუკუნოვანი ისტორია აქვთ. ამ ისტორიით ყველანი ვამაყობთ. აჭარა განსაკუთრებულია თავისი ტოლერანტობით და  მრავალკულტურულობით. ებრაელ ძმებთან თანაცხოვრება ჩვენს ქალაქს და ჩვენს რეგიონს კიდევ უფრო საინტერესოს ხდის, მეტ ელფერს სძენს.  ვუსურვებ მათ მშვიდობას და წარმატებას“- აღნიშნა მილოცვისას თორნიკე რიჟვაძემ.

ბათუმის სინაგოგაში გამართულ ღონისძიებას აჭარის მთავრობის წევრები და დიასპორის წარმომადგენლები ესწრებოდნენ. 
ხანუქას დღესასწაულს ებრაელები ნოემბერ-დეკემბრის თვეში 8 დღის განმავლობაში ზეიმობენ.

იხილეთ გალერეა


კალენდარი

<<
<მაისი 2019>
>>
ორშ.სამშ.ოთხშ.ხუთშ.პარ.შაბ.კვ.
18293012345
196789101112
2013141516171819
2120212223242526
22272829303112
233456789

ცხელი ხაზი

+995 (422) 27-20-01

სოციალური ქსელები

ბმულები