ბათუმის შემოერთებულ ტერიტორიებზე 8 000-მდე აბონენტს უწყვეტი წყალმომარაგება ექნება

14 სექტემბერი, 2018

ბათუმის მერიისა და აჭარის მთავრობის მხარდაჭერით, შპს ,,ბათუმის წყალმა“ ბათუმის ახლადშემოერთებულ ტერიტორიებზე წყალმომარაგების მაგისტრალური ქსელის მშენებლობა დაიწყო. მიმდინარე სამუშაოები აჭარის მთავრობის თავმჯდომარემ თორნიკე რიჟვაძემ ქალაქ ბათუმის მერთან ლაშა კომახიძესთან, შპს ,,ბათუმის წყალი”-ს დირექტორთან მარიამ გვიანიძესთან ერთად დაათვალიერა.  ღონისძიებას აჭარის უმაღლესი საბჭოს წევრები ესწრებოდნენ. 

პროექტი  I ეტაპზე ითვალისწინებს წყალმომარაგების ქსელის შექმნას ფრიდონ ხალვაშის გამზირზე, ხახულისა და გოდერძი ჩოხელის ქუჩების მონაკვეთში. პროექტის ღირებულება შეადგენს 1 მილიონ 700 ათას ლარს. 

პროექტის II ნაწილი ბათუმის მერიის კეთილმოწყობისა და ინფრასტრუქტურის სამმართველო მიერ განხორციელდება და მისი ღირებულებაა 2 მილიონ 600 ათასი ლარი. სამუშაოებზე ტენდერი უახლოეს დღეებში გამოცხადდება.

წყალმომარაგების ქსელის საერთო სიგრძე, მაგისტრალური და შიდა დაქსელვის ჩათვლით, 85 კილიმეტრს შეადგენს. პროექტის საერთო ღირებულება 14 მილიონი ლარია.

ყოფილი ხელვაჩაურის ტერიტორიაზე წყალმომარაგების ცენტრალური მაგისტრალური ქსელი აქამდე არ არსებობდა. დღემდე მოსახლეობა წყალმომარაგების მიზნით მიწისქვეშა წყლებს იყენებდა. აღნიშნული სამუშაოების დასრულების შემდეგ, ბათუმის შემოერთებულ ტერიტორიებზე 8 000-მდე აბონენტს უწყვეტი წყალმომარაგება 24 საათის განმავლობაში ექნება.

იხილეთ გალერეა


კალენდარი

<<
<ივლისი 2019>
>>
ორშ.სამშ.ოთხშ.ხუთშ.პარ.შაბ.კვ.
271234567
28891011121314
2915161718192021
3022232425262728
312930311234
32567891011

ცხელი ხაზი

+995 (422) 27-20-01

სოციალური ქსელები

ბმულები