აჭარის ჯანმრთელობისა და სოციალური დაცვის მინისტრი, ნინო ნიჟარაძე და მინისტრის მოადგილე ზურაბ თენიეშვილი, აჭარის დასაქმების სააგენტოს 2024 წლის პრიორიტეტების საჯარო განხილვას დაესწრნენ. 

სამინისტროს საქვეუწყებო დაწესებულების ხელმძღვანელმა, თეიმურაზ კახიძემ, მომდევნო წლის გეგმები და სიახლეები სამინისტროს წარმომადგენლებთან ერთად, სააგენტოსთან არსებულ მრჩეველთა საბჭოს წევრებს წარუდგინა და მათგან რეკომენდაციები მოისმინა.

გეგმის თანახმად, დასაქმების სააგენტოს 2024 წლის ბიუჯეტი 1 255 000 ლარი იქნება. უწყება გააგრძელებს მოსარგებლეთა პროფესიულ მომზადება/გადამზადებასა და დასაქმებაზე ორიენტირებულ ყველა არსებულ პროგრამას. დაგეგმილია ახალი პროგრამის ამოქმედება - ,,დასაქმების ხელშეწყობა ციფრული უნარების განვითარების გზით". ასევე,  მიმდინარე პროგრამას დაემატება ახალი კომპონენტი, რაც  ზოგადსაგანმანათლებლო დაწესებულებებში კარიერის დაგეგმვისათვის სწორი პროფესიის შესარჩევად შეხვედრების ორგანიზებას გულისხმობს.