თორნიკე რიჟვაძე: მინდა ამომრჩევლებს ხვალ განსაკუთრებული აქტიურობისკენ მოვუწოდო, რათა ერთად ვაჩვენოთ რამდენად ღირებულია თითოეული მოქალაქის თითოეული ხმა

20 ნოემბერი, 2020

დღეს აჭარის მთავრობის სხდომა გაიმართა, რომელსაც აჭარის მთავრობის თავმჯდომარე თორნიკე რიჟვაძე ხელმძღვანელობდა. სხდომის დაწყებამდე გაკეთდა განცხადება 21 ნოემბრის მეორე ტურთან დაკავშირებით. თორნიკე რიჟვაძემ მოქალაქეებს მადლობა გადაუხადა პირველ ტურში აქტიურობისთვის და არჩევნების მეორე ტურში აქტიურობისკენ მოუწოდა.

,,ხვალ საქართველოს 17 საარჩევნო ოლქში, ასევე აჭარაშიც ტარდება საპარლამენტო არჩევნების მეორე ტურები, ასევე უმაღლესი საბჭოს მეორე ტურები. მინდა ამომრჩეველს მადლობა გადავუხადო იმ აქტიურობისთვის, რომელიც გამოავლინეს პირველ ტურში და ამავე დროს მოვუწოდო ხვალ განსაკუთრებული და უპრეცედენტო აქტიურობისკენ. ყველამ ერთად ვაჩვენოთ, თუ რაოდენ ღირებულია თითოეული მოქალაქის, თითოეული ამომრჩევლის ხმა.

ამომრჩევლების გარკვეულმა ნაწილმა რიგ ოპოზიციურ პარტიებს მიანიჭა შესაბამისი მანდატი, რომ ისინი წარმოდგენილი იყვნენ საკანონმდებლო ორგანოში. მნიშვნელოვანია მათი მონაწილეობა როგორც პოლიტიკურ, ასევე განსაკუთრებით საპარლამენტო ცხოვრებაში და მნიშვნელოვანია, თუ ისინი პატივს სცემენ მათ ამომრჩეველს“ - განაცხადა თორნიკე რიჟვაძემ.

აჭარის მთავრობის თავმჯდომარის განცხადებით აჭარის უმაღლესი საბჭოს არჩევნებში ბუნებრივი ბარიერი გადალახა ორმა პოლიტიკურმა სუბიექტმა. „ქართულმა ოცნებამ დემოკრატიული საქართველო“ უპირატესობით და ეს უმრავლესობა კიდევ უფრო გამყარდება ხვალ, მეორე ტურის შემდეგ. ,,ჩვენ გვაქვს უკვე საკმარისი მანდატები, და როგორც აჭარის უმაღლეს საბჭოს, ასევე აჭარის მთავრობის ფუნქციონირებას არანაირი სამართლებრივი რისკები არ შეექმნება. ჩვენ გავაგრძელებთ ფუნქციონირებას, მიუხედავად იმისა, თუ რა გადაწყვეტილებას მიიღებს შესაბამისი პოლიტიკური სუბიექტი, ნაცმოძრაობა მაქვს მხედველობაში და რა თქმა უნდა ღრმად სულერთია მათი გადაწყვეტილება უმაღლეს საბჭოში შესვლასთან დაკავშირებით“ - აღნიშნა თორნიკე რიჟვაძემ.

იხილეთ გალერეა


კალენდარი

<<
<იანვარი 2021>
>>
ორშ.სამშ.ოთხშ.ხუთშ.პარ.შაბ.კვ.
5328293031123
0145678910
0211121314151617
0318192021222324
0425262728293031
051234567

ცხელი ხაზი

144

სოციალური ქსელები

ბმულები