აჭარული სამზარეულოს ვიდეოგაკვეთილები და ფოტორეცეპტები ყველასთვის ხელმისაწვდომი იქნება

18 ოქტომბერი, 2020

აჭარული სამზარეულოს ვიდეოგაკვეთილებისა და საპრომოციო კლიპის გადაღებები  დასრულდა. აჭარის ტურიზმის დეპარტამენტის პროექტის "გემრიელი აჭარა" ფარგლებში ცნობილმა შეფმზარეულებმა ადგილობრივ მზარეულებთან ერთად 10-მდე ტრადიციული აჭარული კერძი მოამზადეს და მათი თანამედროვე ვარიანტები მასტერკლასის სტუმრებს შესთავაზეს. შეხვედრაზე, რომელსაც მზარეულები, კვების ობიექტების წარმომადგენლები და გიდები ესწრებოდნენ,  ტრადიციული კერძების სერვირებაზე, შეფუთვსა და მომხმარებელთან მიტანის სტანდარტებზეც ისაუბრეს.

 

ლაზური, ქობულეთური და მთიანი აჭარის სამზარეულოსთვის დამახასიათებელი კერძებისა და დესერტების გადაღებები აჭარის მუნიციპალიტეტი ერთი კვირის განმავლობაში მიმდინარეობდა. პროექტის მიზანი აჭარული კერძების პოპულარიზაცია და რეგიონში კულინარიის განვითარებაა. პროექტის ფარგლებში გადაღებული ვიდეოგაკვეთილები ფოტორეცეპტებთან ერთად აჭარის ტურიზმის დეპარტამენტის სერვისების ონლაინპლატფორმაზე შემოდგომის ბოლოს განთავსდება და ნებისმიერი მსურველისთვის ხელმისაწვდომი იქნება.

იხილეთ გალერეა


კალენდარი

<<
<ნოემბერი 2020>
>>
ორშ.სამშ.ოთხშ.ხუთშ.პარ.შაბ.კვ.
442627282930311
452345678
469101112131415
4716171819202122
4823242526272829
4930123456

ცხელი ხაზი

144

სოციალური ქსელები

ბმულები