აჭარის ავტონომიური რესპუბლიკის განათლების, კულტურისა და სპორტის სამინისტრო

სწავლა საზღვარგარეთ

10 მარტი, 2021

აჭარის ავტონომიური რესპუბლიკის განათლების, კულტურისა და სპორტის სამინისტრო  „სწავლა საზღვარგარეთ“ პროგრამის ფარგლებში აცხადებს საგრანტო კონკურსს.

პროგრამის მიზანია ახალგაზრდა და ნიჭიერი კადრების აკადემიური განვითარების ხელშეწყობა, საერთაშორისო კონტაქტების დამყარება და გამოცდილების შეძენა, რაც ხელს შეუწყობს ადგილობრივი პოტენციალის განვითარებას.

საგრანტო  კონკურსში  მონაწილეობის  უფლება  აქვს:

• აჭარის ავტონომიური რესპუბლიკის ადმინისტრაციულ ტერიტორიაზე ბოლო სამი წლის მანძილზე რეგისტრირებულ საქართველოს მოქალაქეს ან მოქალაქეს, რომელსაც სრული ზოგადი/უმაღლესი განათლების მიღების დამადასტურებელი დოკუმენტი აღებული აქვს აჭარის ავტონომიური რესპუბლიკის ადმინისტრაციულ ტერიტორიაზე განთავსებულ ზოგადსაგანმანათლებლო/უმაღლეს საგანმანათლებლო დაწესებულებაში;

• პირს,  რომელიც  ჩარიცხულია/ჩაირიცხება ევროკავშირის წევრი ქვეყნების, გაერთიანებული სამეფოს, ამერიკის შეერთებული შტატების, კანადის, ავსტრალიის, იაპონიის, შვეიცარიისა და ნორვეგიის

o მეორე საფეხურის უმაღლეს საგანმანათლებლო პროგრამაზე

o მესამე საფეხურის უმაღლეს საგანმანათლებლო პროგრამაზე

o პოსტ საბაკალავრო/პოსტ სამაგისტრო სახელოვნებო პროგრამაზე

2021 წელს კონკურსის წესით შერჩეული აპლიკანტები მიიღებენ 15 000 ლარს გრანტის სახით  ერთი სემესტრის სწავლის ხარჯების დაფინანსების მიზნით. ერთ სტუდენტს შესაბამის სამაგისტრო ან სადოქტორო საფეხურზე შეიძლება დაუფინანსდეს არაუმეტეს 6 სემესტრი.

განმცხადებელს შეიძლება აუნაზღაურდეს შემდეგი ტიპის ხარჯები:

• სწავლის საფასური

• ცხოვრების ხარჯი (ბინა, კომუნალური, კვება)

• ტრანსპორტი

• სამედიცინო დაზღვევა

• უმაღლესი საგანმანათლებლო დაწესებულების სილაბუსით განსაზღვრული სასწავლო რესურსების შეძენა

• ვიზის და ვიზასთან დაკავშირებული ხარჯები

• სხვა ხარჯები, რომლის მიზნობრიობაზე გადაწყვეტილებას იღებს სამინისტრო


პროგრამის ანგარიში 

სწავლა საზღვარგარეთ  პროგრამის  დასაფინანსებლად 2014  წლიდან დღემდე სულ აჭარის ავტონომიური რესპუბლიკის ბიუჯეტიდან გამოიყო  3 337 500 ლარი.   2021 წელს პროგრამის ბიუჯეტი  700 000 ლარია.

„სწავლა საზღვარგარეთ“ პროგრამის ფარგლებში 2014 წლიდან დღემდე სულ დაფინანსდა 73 სტუდენტი.

სამინისტროში წარმოსადგენი დოკუმენტაცია:

• ელექტრონული რეგისტრაციისთვის იხილეთ ბმული - https://bit.ly/3uiaoXc

განცხადება   (ელექტრონული აპლიკაციის ნაწილია)

სარეკომენდაციო წერილის ფორმა (ელექტრონული აპლიკაციის ნაწილია)

დებულება/შეფასების ფორმა

პროგრამის ფარგლებში განაცხადების მიღება იწარმოებს 2021 წლის 15 მარტიდან 30 აპრილის ჩათვლით.

 

საკონტაქტო პირი:

ლია გოგიტიძე

ტელ.: 577 12 65 05

ელ. ფოსტა: gogitidzellea@gmail.com

 





კალენდარი

<<
<აპრილი 2021>
>>
ორშ.სამშ.ოთხშ.ხუთშ.პარ.შაბ.კვ.
132930311234
14567891011
1512131415161718
1619202122232425
17262728293012
183456789

ცხელი ხაზი

+995 (422) 24-53-86

სოციალური ქსელები