აჭარის ავტონომიური რესპუბლიკის განათლების, კულტურისა და სპორტის სამინისტრო

პროგრამა - კულტურის სფეროს წარმომადგენელთა პროფესიული განვითარების ხელშეწყობა

23 თებერვალი, 2022


პროგრამის მიზანი: აჭარის რეგიონში მოღვაწე კულტურის და ხელოვნების სფეროს წარმომადგენელთა პროფესიული განვითარების, ევროპული გამოცდილების გაზიარებისა და შემოქმედებითი ზრდის ხელშეწყობა; აჭარაში კინოხელოვნების განვითარების ხელშეწყობა და ამ მიმართულებით შემოქმედებითი პროცესების გააქტიურება; კულტურის სფეროში საერთაშორისო თანამშრომლობის განვითარებისა და ქართული კულტურის პოპულარიზაციის ხელშეწყობა; მაღალმთიან აჭარაში თეატრალური ხელოვნების განვითარების ხელშეწყობა;

პროგრამის აღწერა:

  1. საერთაშორისო ფესტივალებში, კონკურსებში, გამოფენებსა და სხვა ღონისძიებებში მონაწილეობის ხელშეწყობა: ითვალისწინებს წლის განმავლობაში აჭარის ადმინისტრაციულ ტერიტორიაზე მოქმედი სახელოვნებო სფეროს წარმომადგენლების/ჯგუფების მონაწილეობის ხელშეწყობას საქართველოს სხვა რეგიონებში და საზღვარგარეთ საერთაშორისო ფესტივალებში, კონკურსებში, გამოფენებსა და სხვა ღონისძიებებში.
  2.  სახელოვნებო განათლების ხელშეწყობა: ითვალისწინებს სკოლისგარეშე სახელოვნებო საგანმანათლებლო დაწესებულებების პედაგოგთა და მოსწავლეთა პროფესიული განვითარების ხელშემწყობი ღონისძიებების ორგანიზებას; ტრენინგებში, მასტერკლასებში, ვორკშოფებსა და სხვა სახელოვნებო განათლების ხელშემწყობ აქტივობებში მონაწილეობის ხელშეწყობას.
  3. კულტურული და საგანმანათლებლო საქმიანობის ხელშეწყობა: ითვალისწინებს კულტურის დაწესებულებებში (მუზეუმები და თეატრები) ადმინისტრაციული და ტექნიკური პერსონალის გადამზადებას, მუზეუმის, როგორც საგანმანათლებლო-კვლევითი დაწესებულებისა და საზოგადოებრივი ცენტრის შემდგომი განვითარების ხელშეწყობას, კულტურის სხვადასხვა მიმართულებისა და კულტურის დაწესებულებების, მათ შორის თეატრების საქმიანობის პოპულარიზაციას და მხარდაჭერას, დიგიტალური და მედია პროექტების განხორციელებას/განხორციელების ხელშეწყობას;
  4. აჭარაში კინოხელოვნების განვითარების ხელშეწყობა: ითვალისწინებს აჭარის რეგიონში კინოწარმოების ხელშეწყობას. ასევე, აჭარის ავტონომიური რესპუბლიკის განათლების, კულტურისა და სპორტის სამინისტრო ამ სფეროში მოქმედ სხვადასხვა ორგანიზაციასთან თანამშრომლობით დააფინანსებს აქტივობებს, რომელთა მიზანია რეგიონში კინოწარმოების, კინოგანათლების ხელშეწყობა, ახალგაზრდების (მათ შორის, სტუდენტების) ცნობიერების გაზრდა და კინოხელოვანების პროფესიული უნარ-ჩვევების ამაღლება.

პროგრამის ფარგლებში ღონისძიებები დაფინანსდება საკონკურსო ან/და არასაკონკურსო წესით. კონკურსის საფუძველზე გამოვლენილი გამარჯვებულები დაფინანსდებიან საგრანტო წესით. საკონკურსო პირობები და შეფასების კრიტერიუმები განისაზღვრება აჭარის ავტონომიური რესპუბლიკის განათლების, კულტურისა და სპორტის მინისტრის ბრძანებით.




კალენდარი

<<
<დეკემბერი 2023>
>>
ორშ.სამშ.ოთხშ.ხუთშ.პარ.შაბ.კვ.
4827282930123
4945678910
5011121314151617
5118192021222324
5225262728293031
011234567

ცხელი ხაზი

+995 (422) 24-53-86

სოციალური ქსელები