აჭარის ავტონომიური რესპუბლიკის განათლების, კულტურისა და სპორტის სამინისტრო

საფრანგეთის ელჩი სტუმრად ბათუმის N8 სკოლაში

08 ნოემბერი, 2019

დღეს, საქართველოში საფრანგეთის ელჩი დიეგო კალასი და აჭარის ავტონომიური რესპუბლიკის განათლების, კულტურისა და სპორტის მინისტრი მაია ხაჯიშვილი ქალაქ ბათუმის N8 საჯარო სკოლას ეწვივნენ და მეათე კლასის ფრანგული ენის გაკვეთილს დაესწრნენ. 

აჭარაში ფრანგული ენა ისწავლება 10 სკოლის 38 კლასში და დაახლოებით 1000-ზე მეტი მოსწავლე ეუფლება ამ ენას.

  “ჩვენ დარწმუნებული ვართ ფრანგული ენის შესწავლით ახალგაზრდები თავის ცხოვრებაში შეიტანენ ძალიან მნიშვნელოვან ინვესტიციას. ჩვენ ყოველთვის მხარს დავუჭერთ, რომ მოსწავლეებმა შეითვისონ და შეიყვარონ ევროპული ენები. ასევე, შემდგომში ჩვენი და საელჩოს პროგრამების დახმარებით შეძლონ სწავლის გაგრძელება საზღვარგარეთ, რაც ბუნებრივია მათ მომავალზე და ჩვენი რეგიონის განვითარებაზე იქონიებს დადებით გავლენას“ - აღნიშნა მინისტრმა მაია ხაჯიშვილმა.

საფრანგეთის ელჩმა მადლობა გადაუხადა სკოლის მოსწავლეებს, პედაგოგებს და ადმინისტრაციას ფრანგული ენის სწავლებისთვის და აღნიშნა, რომ საფრანგეთის საელჩო ყველა იმ სკოლის გვერდით იქნება, სადაც ფრანგული ენა ისწავლება. 

სკოლაში შეხვედრას ესწრებოდა აჭარის მთავრობის თავმჯდომარის მრჩეველი თემურ თხილაიშვილი.

იხილეთ გალერეა


კალენდარი

<<
<თებერვალი 2020>
>>
ორშ.სამშ.ოთხშ.ხუთშ.პარ.შაბ.კვ.
05272829303112
063456789
0710111213141516
0817181920212223
092425262728291
102345678

ცხელი ხაზი

+995 (422) 24-53-86

სოციალური ქსელები