აჭარის ავტონომიური რესპუბლიკის სოფლის მეურნეობის სამინისტრო

საერთაშორისო საინვესტიციო ფორუმი აჭარის აგრარული შესაძლებლობები

03 ოქტომბერი, 2019

აჭარის სოფლის მეურნეობის სამინისტროს ორგანიზებით, სასტუმრო WYNDHAM Batumi-ში გამართა საერთაშორისო საინვესტიციო ფორუმი ,,აჭარის აგრარული შესაძლებლობები’’. ღონისძიების მიზანია რეგიონის საინვესტიციო პოტენციალის გაზრდა, ადგილობრივი პროდუქციის პოპულარიზაცია, ექსპორტის ხელშეწყობა, ახალი ბიზნეს კონტაქტების დამყარება და აგრარულ დარგში დასაქმებულთა მოტივაციის ამაღლება. ფორუმზე აჭარის სოფლის მეურნეობის მინისტრმა ტიტე აროშიძემ წარადგინა პრეზენტაცია, ,,სოფლის მეურნეობა აჭარის ავტონომიურ რესპუბლიკაში ’’

,,აჭარის სოფლის მეურნეობის სამინისტროს ძირითად ფუნქციას მიზნობრივი პროგრამების შემუშავება, ადგილობრივი და უცხოური ინვესტიციების მოზიდვა და საერთაშორისო დონორ ორგანიზაციებთან თანამშრომლობა წარმოადგენს. ჩვენი მიზანია რეგიონის ფერმერთა კეთილდღეობის უზრუნველყოფა აგრარული დარგის განვითარების ხელშეწყობით. ვიმედოვნებთ, რომ ღონისძიება აგრარულ სფეროთი დაინტერესებულ პირთათვის იქნება ნაყოფიერი და შედეგზე ორიენტირებული’’.-განაცხადა მინისტრმა.

საინვესტიციო ფორუმს 10 უცხო ქვეყნის 20-მდე კომპანია, ,საქართველოს სოფლის მეურნეობის მინისტრის მოადგილე სოლომონ პავლიშვილი აჭარის მინისტრთა კაბინეტის წევრები, სავაჭრო სამრეწველო პალატის თავმჯდომარე, მეწარმეები და მედიის წარმომადგენლები, სულ 180 სტუმარი ესწრებოდა.

ფორუმზე უცხო ქვეყნის კომპანიები რეგიონში წარმოებული პროდუქციის ხარისხობრივ მაჩვენებლებს და წარმოების გაზრდის შესაძლებლობებს გაეცნენ. ფორუმის ფარგლებში ქართული პროდუქციის (ციტრუსი, ჩაი, თაფლი, თევზი, ღვინო და სხვა) იმპორტირებით დაინტერესებულ უცხოურ კომპანიებთან B2B შეხვედრები გაიმართა.

ფორუმის ფარგლებში, წარმოდგენილი იყო რეგიონში წარმოებული ადგილობრივი პროდუქცია.

იხილეთ გალერეა


კალენდარი

<<
<იანვარი 2020>
>>
ორშ.სამშ.ოთხშ.ხუთშ.პარ.შაბ.კვ.
01303112345
026789101112
0313141516171819
0420212223242526
05272829303112
063456789

ცხელი ხაზი

+995 (422) 24 78 41

სოციალური ქსელები