2016 -2019 წლების საშუალოვადიანი პრიორიტეტების საჯარო განხილვები იწყება
28 აპრილი, 2015
2016 -2019 წლების საშუალოვადიან პრიორიტეტებს აჭარის ა.რ სამინისტროები,საქვეუწყებო დაწესებულებები და სხვა საბიუჯეტო ორგანიზაციები საზოგადოებას 1-8 მაისის ჩათვლით წარუდგენენ. გადაწყვეტილება პრიორიტეტების კომისიის სამუშაო შეხვედრაზე კომისიის წევრებმა მიიღეს. საშუალოვადიანი პრიორიტეტების საჯარო განხილვებში ჩართვის შესაძლებლობა ყველა დაინტერესებულ მხარეს ექნება. შეხვედრებს სერვისების მომხმარებლები,სამოქალაქო ჯგუფები,დონორები და საჯარო უწყებები დაესწრებიან. საშუალოვადიან პრიორიტეტებში ყველა უწყების განვითარების გეგმა დეტალურად არის ასახული.
საჯარო შეხვედრები დისკუსიის ფორმატით წარიმართება. დაინტერესებული მხარეების შენიშვნები და წინადადებები პრიორიტეტების კომისიას წარედგინება. საინტერესო რეკომენდაციები, საშუალოვადიანი სამოქმედო გეგმის დოკუმენტის საბოლოო ვერსიაში აისახება.
შეხვედრების განრიგის შესახებ ინფორმაცია შეგიძლიათ იხილოთ თანდართულ ფაილში: