ოფიციალური ვიზიტით მყოფ აშშ-ის სოფლის მეურნეობის დეპარტამენტის წარმომადგენლებთან შეხვედრა

27 მარტი, 2023

აჭარის სოფლის მეურნეობის მინისტრი ზაზა შავაძე სოფლის მეურნეობის ექსტენციის პროექტის ფარგლებში აჭარაში ოფიციალური ვიზიტით მყოფ აშშ-ის სოფლის მეურნეობის დეპარტამენტის (USDA) ვაშინგტონისა და თბილისის ოფისის წარმომადგენლებს, აშშ-ის აიდაჰოსა და მისისიპის უნივერსიტეტების პროფესორებს, მეთევზეობის სპეციალისტებს და „მომავლის ფერმერის” გუნდის წევრებს შეხვდა.

ვიზიტის მიზანია, გაუმჯობესდეს აგრარული განათლებისა და ექსტენციის ინსტიტუციონალური კოორდინაცია, აჭარის რეგიონის მეთევზე/მეკალმახე ფერმერებისათვის, თეორიული და პრაქტიკული ცოდნის გაზიარება თევზის კვებისა და ჯანმრთელობაზე. ზემოთ აღნიშნულის ფარგლებში, სამუშაო შეხვედრები იგეგმება ქობულეთისა და ქედას მუნიციპალიტეტებში მეთევზე ფერმერებთან. პროექტის განმახორციელებელია აშშ-ის სოფლის მეურნეობის დეპარტამენტის (USDA) ადგილობრივი პარტნიორი „მომავლის ფერმერი“.

შეხვედრას ასევე ესწრებოდნენ, მინისტრის მოადგილეები და დეპარტამენტის უფროსები.

იხილეთ გალერეა