აჭარის ავტონომიური რესპუბლიკის ტურიზმისა და კურორტების დეპარტამენტი

აჭარა ტურიზმის მიმართულებით დუბაის გამოცდილებას გაეცნო

12 მაისი, 2022

აჭარა ტურისტული სერვისებისა და პროდუქტების განვითარების მიმართულებით დუბაის გამოცდილებას ეცნობა. დუბაის ტურიზმისა და კომერციული მარკეტინგის ხელმძღვანელთან შეხვედრისას აჭარის ტურიზმის დეპარტამენტის მენეჯმენტმა ინფორმაცია მიიღო დუბაის ტურისტული განვითარების სტრატეგიისა და ეტაპების შესახებ.

დუბაის ტურიზმის სამსახურის ჩართულობით შეხვედრა დაიგეგმა დუბაის ტურიზმის კოლეჯის მენეჯმენტთან. უწყება ქვეყანაში ტურიზმის სექტორისთვის საჭირო კადრების მომზადებას უზრუნველყოფს და ტურიზმის სფეროს საგანმანათლებლო პროგრამებს ამუშავებს.

როგორც შეხვედრისას აღინიშნა, დუბაიში სახელმწიფოს მხრიდან განსაკუთებული ყურადღება ეთმობა ტურისტის ქვეყანაში მიღებიდან გაცილებამდე არსებული ტურისტული სერვისების ჯაჭვის განვითარებასა და ეფექტურად ფუნქციონირებას. შეხვედრაზე მხარეები გამოცდილების გაზიარებასა და თანამშრომლობაზე შეთანხმდნენ. შეხვედრას ტურიზმის დეპარტამენტის ხელმძღვანელებთან ერთად საქართველოს ელჩი არაბეთის გაერთიანებულ საამიროებში პაატა კალანდაძე ესწრებოდა.

იხილეთ გალერეა


კალენდარი

<<
<ივლისი 2022>
>>
ორშ.სამშ.ოთხშ.ხუთშ.პარ.შაბ.კვ.
2627282930123
2745678910
2811121314151617
2918192021222324
3025262728293031
311234567

ცხელი ხაზი

577 90 90 93 (ტურისტებისთვის)

სოციალური ქსელები